काठमाडौं । ‘लिटल बुद्ध’ भनेर चिनिने रामबहादुर बम्जनलाई प्रहरीले पक्राउ गरेको छ ।
लामो समयदेखि प्रहरीको खोजी सूचीमा रहेका बम्जनलाई मंगलबार पक्राउ गरिएको नेपाल प्रहरीका केन्द्रीय प्रवक्ता तथा प्रहरी नायव महानिरीक्षक कुवेर कडायतले जानकारी दिए ।
बम्जनलाई नेपाल प्रहरीको केन्द्रीय अनुसन्धान ब्यूरो (सिआइबी)ले बूढानीलकण्ठ क्षेत्रबाट पक्राउ गरेको हो ।
विभिन्न उजुरीका आधारमा प्रहरीको खोजी सूचीमा रहेका बम्जनलाई सिआइबीको टोलीले बूढानीलकण्ठ क्षेत्रबाट आज साँझ ७ बजे पक्राउ गरेको हो ।
बम्जनको आश्रमबाट आनीसहित चार जना सम्पर्कविहीन भएको उजुरी परेपछि प्रहरीले लामो समयदेखि उनको खोजी गरिरहेको थियो ।
अनुयायी बनेर गएका चार जना फर्केर नआएको भनेर विभिन्न जिल्ला प्रहरी कार्यालयहरूमा उजुरी परेको थियो ।
