हेटौँडा । मकवानपुर प्रहरीले नाबालिग छोरीलाई निर्मम यातना दिने बाबुलाई पक्राउ गरेको छ ।
मकवानपुर प्रहरी प्रवक्ता लक्ष्मी भण्डारीका अनुसार महोत्तरी एक डाँडा-३ का २७ वर्षीय रामजी मण्डललाई शनिबार पक्राउ गरेको हो ।
उनी मकवानपुरको हेटौँडा उपमहानगरपालिका-५ सिँचाइटोल डेरागरी बस्दै आएका थिए ।
उनले आफ्नी साढे चार वर्षीया नाबालिग छोरीछोरीको हात, गालामा टोकेर गहिरो घाउ बनाउने, कान टोक्ने, आँखामा खुर्सानीको धुलो हाल्ने गरेका थिए ।
छिमेकीले उनको यस्तो हर्कत देखेपछि बाल हेल्प लाइनको सहयोगमा मण्डललाई नियन्त्रणमा लिइएको भण्डारीले जनाए ।
मण्डलले छोरीसहित श्रीमतीलाई पनि यातना दिने गरेको सूचना पाएपछि डेरामा अनुगमन गर्दा बाबुको यातनाबाट गम्भीर अवस्थामा रहेकी नाबालिगलाई उद्धार गरिएको थियो ।
बालिकाको हेटौँडा अस्पतालमा उपचार भइरहेको छ । साथै, मण्डलको विषयमा थप अनुसन्धान भइरहेको प्रहरीले जानकारी दिएको छ ।
