काठमाडौं । प्रधानमन्त्री पुष्पकमल दाहाल ‘प्रचण्ड’ लाई नागरिक अभिनन्दन गरिने भएको छ ।
यही पुस १० गते ज्यापू संस्कृति विकास कोषले राष्ट्रिय ज्यापू दिवसको सन्दर्भमा प्रधानमन्त्री प्रचण्डलाई नागरिक अभिनन्दन गर्ने भएको हो ।
प्रधानमन्त्री प्रचण्डलाई वसन्तपुरमा एक कार्यक्रमबीच नागरिक अभिनन्दन गर्न लागेको व्यवहोरा उल्लेख गर्दै सोमबार बालुवाटारमा झाँकीसहित कोषले निमन्त्रणापत्र दिइएको छ ।
प्रधानमन्त्री प्रचण्डलाई राजनीतिक राज्यव्यवस्था परिवर्तन गर्दै समृद्धि, सुशासन, सामाजिक न्याय, समाजवादउन्मुख लोकतन्त्र र सङ्घीयतालाई व्यावहारिक रूपमा लागू गरेको, नेपाल संवतलाई सरकारी दस्ताबेजमा उल्लेख गर्न र बागमती प्रदेशमा नेपालभाषा (नेवारी) र तामाङ भाषालाई मान्यता दिन अभिभावकीय भूमिका निर्वाह गरेकाले सो नागरिक अभिनन्दन गर्न लागेको कोषका उपाध्यक्ष सन्तकुमार महर्जनले जानकारी दिए ।
