हेटौंडा । बारा जितपुर सिमरा उपमहानगरपालिका-३ का वडाध्यक्ष तारा कार्की पाँच लाख रुपैयाँ घुससहित पक्राउ परेका छन् ।
अख्तियार दुरुपयोग अनुसन्धान आयोग हेटौंडाले सेवाग्राहीसँग घुस लिएको आरोपमा उनलाई सोमबार पक्राउ गरेको हो ।
आयोगको टोलीले जितपुरस्थित जैसवाल होटेलमा घुस लिँदै गर्दा कार्कीलाई पक्राउ गरी सेवाग्राहीले दिएको पाँच लाख रुपैयाँ घुस रकमसमेत बरामद गरेको छ ।
वडाध्यक्ष कार्कीले सडक बाटो सिफारिसका लागि स्थानीय जग्गा व्यवसायी राजन उप्रेतीसँग पाँच लाख रुपैयाँ घुस मागेको बताइएको छ ।
प्रहरी नियन्त्रणमा रहेको समयमा कार्कीले आफूलाई भू-माफियाले फसाउने षड्यन्त्र गरेको प्रतिक्रिया दिएका छन् ।
