प्रतिकात्मक फोटो झापा । झापामा सिटी सफारी पल्टिँदा घाइते भएका चालकको मृत्यु भएको छ ।
मृत्यु हुनेमा मेचीनगर नगरपालिका- ९ घर भएका ४५ वर्षीय बद्रीबहादुर बस्नेत रहेको झापा प्रहरीले जनाएको छ ।
सोमबार बिहान उत्तरबाट दक्षिणतर्फ जाँदैगरेको प्र १–०१–००२ ह ७६५ नम्बरको सिटी सफारी अनियन्त्रित भइ पल्टिएको थियो ।
मेचीनगर-१० धुलाबारीमा भएको सो दुर्घटनामा बस्नेत गम्भीर घाइते बनेका थिए । उनलाई उपचारका लागि बिर्तामोडस्थित बिएन्डसी अस्पताल पुर्याइएको थियो ।
टाउकोमा गम्भीर चोट लागेका चालक बस्नेतको उपचारको क्रममा मृत्यु भएको प्रहरीले जनाएको छ ।
