दाइसँग मिलेर सहपाठीको हत्या !

शब्द एक्स्प्रेस संवाददाता
बुधबार २३ चैत, २०७८
२ वर्षअघि
सहपाठीको हत्या

उदयपुरको बेलका नगरपालिका–६ किराँत चौककी १६ वर्षीया किशोरी कविता सुनुवारको हत्याका आरोपीलाई जिल्ला प्रहरी कार्यालय उदयपुरले सार्वजनिक गरेको छ ।

प्रहरीले बुधबार पत्रकार सम्मेलन गरी हालसम्मको अनुसन्धानबाट देखिएको अभियुक्तलाई सार्वजनिक गरेको हो ।

प्रहरीले हत्यामा संलग्न बेलका–३ बस्ने १९ वर्षीय विनोद ढकाल सार्वजनिक गरेको छ  ।

एकवर्षदेखि काकाको घरमा बस्दै आएका विनोदको घर भने भारतको सिक्किम राज्य वियुङ रहेको छ ।

घटनामा एक नाबालिको संलग्नता देखिएका कारण उनलाई प्रहरीले सार्वजनिक गरेको छैन ।

उनीहरूले मङ्गलबार बिहान ट्युसन पढ्न जाने निहुँ पारेर बोलाएर बाटोमा हत्या गरेको स्वीकार गरेको जिल्ला प्रहरी प्रमुख एसपी सुवासचन्द्र बोहोराले बताए ।

‘अनुसन्धानबाट बिहानै हत्यामा संलग्न अभियुक्तहरूले किशोरीलाई बोलाई हत्या गरेको खुलेको छ,’ एसपी बोहोराले भने, ‘बयानमा समेत उनीहरूले यो कुरा स्वीकार गरेका छन् ।’

उनका अनुसार हत्याको मुख्य योजनाकार भने नाबालिक रहेकी छन् ।

एसपी बोहोराका अनुसार हत्या गर्नुको कारण साथीसाथीबीच प्रतिशोध रहेको बुझिएको छ ।

मृतक कविता र हत्यामा संलग्न भएको आरोपित नाबालिक साथी हुन् ।

उनीहरू दुवै जना स्थानीय कोसी जनता माध्यामिक विद्यालयमा एकै कक्षामा अध्ययनरत हुन् ।

साथी–साथीबीच मिलन देखिए पनि भित्रभित्रै विविध कुराले मनमुटाव, विवाद हुने र एकअर्कामा कटाक्ष हुने गरेकाले प्रतिशोध साँधन मार्ने योजना बनाएकी थिइन् ।

सो योजनामा विनोदको मद्दत लिएर हत्या गरेको पाइएको एसपी बोहोराले बताए ।

सुरुमा पछाडिबाट खाली बियरको बोतलले टाउकोमा प्रहार गरेको र अरूले थाहा पाउँछन् भन्ने डरले पछि ढुङ्गाले हानेर मारेको बयान उनीहरूले दिएका छन् ।

उनीहरूले हत्या गरेपछि करिब ४० मिटर टाढा लगेर लास फालेका थिए ।

सदा झै बिहान ट्युसन पढ्न घरबाट हिँडेकी किशोरीलाई केही घण्टापछि गाउँलेले मृत अवस्थामा भेटेर प्रहरीलाई खबर गरेको थियो ।

हत्यापछि घरै बसेका उनीहरूलाई प्रहरीले आशङ्का गरी घरबाटै पक्राउ गरेको थियो ।

घटनापछि प्रहरीले हत्याराको खोजी थालेको थियो ।

त्यसक्रममा शङ्कास्पद देखिएका दुईजनालाई गाउँमै घरमा बसिरहेको अवस्थामा प्रहरीले पक्राउ गरेको हो ।

उनीहरू उपर कर्तब्य ज्यान मुद्दा परेको छ ।

मृतकको बुवा कृष्ण सुनुवारले हिजै उनीहरूको नामसहित किटानी जाहेरी दिएका थिए  ।

इलाका प्रहरी कार्यालय रामपुरमा दर्ता जाहेरी उपर कानुनी कारवाही अगाडि बढाउने क्रममा आज दुवै जनाको जिल्ला अदालत उदयपुरमा म्याद थप भएको प्रहरीले जनाएको छ ।

दोषी नाबालिकलाई पाँच दिन र विनोदलाई सात दिनको म्यान थप भई थप अनुसन्धान अगाडि बढेको जनाइएको छ ।

मृतक किशोरीको शब पोष्टमार्टमका लागि धरानस्थित विपी कोइराला स्वास्थ्य विज्ञान प्रतिष्ठान पठाइएको थियो ।

प्रकाशित समय: बुधबार २३ चैत, २०७८, १९:१६:३७
विराटनगरमा हुने नेसनल टी-२० च्याम्पिनयनसिपको उद्घाटन खेलमा कर्णाली र कोशी भिड्ने
सोमबार १४ फाल्गुण, २०८०
अलबिदा ‘हजार सपनाहरूको माया’
सोमबार १४ फाल्गुण, २०८०
‘ए’ ग्रेडका खेलाडीले मासिक तलब एक लाख पाउने
सोमबार १४ फाल्गुण, २०८०
इटहरीमा दुई भयानक दुर्घटना, दुई जनाको मृत्यु
सोमबार १४ फाल्गुण, २०८०
लैंगिक विभेद कायमै : छोरी जन्मिएपछि अस्पतालमै छोडेर भागिन् आमा
सोमबार १४ फाल्गुण, २०८०
कोशी प्रदेशमा २२१ जना वनरक्षकको माग, यसरी भर्न सकिन्छ फारम
सोमबार १४ फाल्गुण, २०८०
महेन्द्र माविले मनायो वार्षिकोत्सव र अभिभावक दिवस
आईतबार १३ फाल्गुण, २०८०
प्रहरीको जागिर छोडेर घर बस्दै आएका रत्नकुमार दुर्घटनामा बिते
आईतबार १३ फाल्गुण, २०८०
एम्बुलेन्समा गाँजा तस्करी, पक्राउ परे विराटनगरका जयदेव चेल
आईतबार १३ फाल्गुण, २०८०
चालकको लापरबाहीले गर्दा पल्टियो उर्लाबारीका स्वास्थ्यकर्मी सवार बस
आईतबार १३ फाल्गुण, २०८०
अस्पताल बसेरै बित्यो डाक्टरको कारागारको समय !
शुक्रबार ५ माघ, २०८०
‘बुढेशकाल’ मा जन्मिएका जुम्ल्याहा सन्तान अस्ताए, आफू पनि ६ घण्टा मार्वल स्टोनले थिचिए
शुक्रबार ११ फाल्गुण, २०८०
कानेपोखरी : अनुमतिबिना ढोका खोलेको भन्दै अध्यक्षले गरिन् कार्यालय सहयोगीलाई निलम्बन
बुधबार १७ माघ, २०८०
मोटरसाइकल दुर्घटनामा कर्मचारीको मृत्यु, विराटनगरमा बिहीबार बिदा
बुधबार २४ माघ, २०८०
स्वास्थ्य मन्त्रालयले माग्यो करारमा कर्मचारी
बुधबार २४ माघ, २०८०
चार सय करोडको लगानीमा विराट क्यान्सर इन्स्टिच्युट सञ्चालनमा
आईतबार २१ माघ, २०८०
विराटनगरका दुई युवती, जो लागुऔषधसहित समातिए
मङ्गलबार १६ माघ, २०८०
इटहरीमा हात्तीले मोटरसाइकल लछारपछार पार्दा एक जना घाइते
बिहिबार १८ माघ, २०८०
भोजपुरका किसानले फलाए रङबिरङ काउली
आईतबार १४ माघ, २०८०
कानेपोखरीमा दुई भयानक दुर्घटना : एक जनाको मृत्यु, आमा-छोरा घाइते
आईतबार २१ माघ, २०८०