सुँगुरको मुट प्रत्यारोपण गरिएका व्यक्तिको निधन

विश्वमै पहिलो पटक अनुवंशिक रूपमा परिवर्तन गरिएको सुँगुरको मुट प्रत्यारोपण गरिएका व्यक्तिको निधन भएको छ ।

सुँगुरको मुट प्रत्यारोपण गरि दुई महिनापछि बाल्टिमोरका डेबिड बेनेटको निधन भएको हो ।

बेनेटको मुट प्रत्यारोपण गरेका डाक्टर बार्टली ग्रिफिथका अनुसार बेनेटले अन्तिम समयसम्म बाँच्न सङ्घर्ष गरेका थिए । मुटुको गम्भीर समस्या रहेका ५७ वर्षिय बेनेट अमेरिकामा शल्यक्रियामार्फत मुटु प्रत्यारोपण गरेपछि दुई महिना बाँच्न सफल भएका थिए ।

स्वास्थ्य अवस्थाका कारण मानव मुटु प्रत्यारोपणका लागि बेनेट अयोग्य थिए । तर, प्रत्यारोपण नहुँदा रोगका कारणले गर्दा उनको मृत्यु हुने निश्चित थियो ।

यूनिभर्सिटी अफ मेरील्यान्ड मेडिकल सेन्टरका चिकित्सकहरूलाई अमेरिकाको चिकित्सासम्बन्धी नियामक निकायले यसअघि कहिल्यै नगरिएको चिकित्सा अभ्यास गर्न विशेष अनुमति प्रदान गरिएको थियो ।

मुटु प्रत्यारोपण गरिनुअघि ६ सातासम्म निकै थलिएका बेनेटलाई मेसिनको सहयोगले बचाएर राखिएको थियो । बेनेटलाई शल्यक्रियाअघि नै प्रत्यारोपणसँग सम्बन्धित जोखिमबारे थाहा थियो ।

७ जनवरीमा उनको मुटु प्रत्यारोपण कार्य सफल भएको थियो । शल्यक्रिया गरेको केही सातापछि चिकित्सकहरूले बेनेटकलाई आफ्नो परिवारसँग समय बताउन अनुमति दिएका थिए ।

तर, लगातार स्वास्थ्य अवस्थामा बिग्रिदै गएपछि उनी थप कमजाेर भएका थिए । अवस्थामा प्रतिकुल हुँदै गएपछि झनै थलिएका बेनेटककाे  अन्तत ८ मार्चमा निधन भयाे ।