सरकारले बिहीबार (भोलि) सार्वजनिक बिदा दिने निर्णय गरेको छ ।
गृह मन्त्रालयले शेर्पा समुदायको ग्याल्पो ल्होसारको अवसरमा सार्वजनिक बिदा दिने निर्णय भएको जानकारी दिएको छ ।
मन्त्रालयका सूचना अधिकारी वसन्त भट्टराईले फागुन १६ गतेको मन्त्रिपरिषद् निर्णयअनुसार बिहीबार सार्वजनिक बिदा दिने निर्णय भएको हो ।
ग्लाल्पो लोसार बौद्ध धर्मावलम्बीको पर्व हो । नयाँ वर्षका रूपमा शेर्पा समुदायले ग्याल्पो ल्होसार बनाउने गरेका छन् ।
मुसा, गाई, बाघ, खरायो, ड्रागन (मेघ), सर्प, घोडा, भेडा, बाँदर, चरा, कुकुर र बराह गरी १२ वर्षमा ग्याल्पो ल्होसारलाई विभाजन गरिएको छ ।
