कोरोना सङ्क्रमणका कारण माघ ३ गतेबाट बन्द भएका हल २७ दिनपछि पुनः फागुन १ गतेबाट खुल्दै छन् ।
हल खुल्न लागेपछि नेपाली चलचित्रका निर्माताले पनि धमाधम प्रदर्शन मिति तय गर्न थालेका छन् ।
रिलिज हुँदाहुँदै हल बन्द भएपछि रोकिएका नेपाली चलचित्र ‘चपली हाइट ३’ र ‘कठपुतली’ पुनः फागुन १ गतेबाट हलमा लाग्ने भएका छन् ।
रवि तेजाको अभिनय रहेको साउथ चलचित्र ‘खिलाडी’को हिन्दी डबलाई फागुन १ गतेबाट नेपालमा रिलिज गर्न लागिएको छ ।
रवि तेजाको फिल्म पहिलोपटक नेपालमा रिलिज गर्न लागिएको हो ।
‘पुष्पा’ नामक साउथ चलचित्र नेपाल भित्राएका वितरक मनोज राठी र उनको टिमले ‘खिलाडी’ प्रदर्शनको अधिकार लिएको छ ।
रवि तेजा, मिनाक्षी चौधरी, डिम्पल हायाथीलगायतका कलाकारको मुख्य भूमिका रहेको यस चलचित्रमा रमेश बर्माको कथा, पटकथा तथा निर्देशन रहेको छ ।
