वाङ्मय शताब्दी पुरुष सत्यमोहन जोशी अस्पताल भर्ना भएका छन् ।
जोशीको शरीरमा अक्सिजन कमी भएपछि हिजो उनलाई किस्ट मेडिकल कलेजमा भर्ना गरिएको साहित्यकार एवम् नइ प्रकाशनका सदस्यसचिव नरेन्द्रराज प्रसाईंले जानकारी दिएका छन् ।
शताब्दी पुरूष जोशी एक हप्ता अस्पतालमा बस्नुपर्ने अवस्था रहेको प्रसाईंले बताएका छन् ।
जोशी र उनकी धर्मपत्नी राधादेवी जोशीले किस्ट मेडिकल कलेजका विद्यार्थीको अध्ययन र शोधका लागि आ-आफ्नो शरीर मरणोपरान्त दान गरेका छन् ।
जोशी गत वैशाख ३० गतेदेखि १०२ वर्षमा हिँड्दै छन् ।
जोशीको स्वास्थ्यमा सुधार आएको कलेजका प्रिन्सिपल प्रा.डा. बालमानसिंह कार्कीले जानकारी दिएका छन् ।
