आगामी मार्चमा एप्पलले सस्तो आइफोन सार्वजनिक गर्ने भएको छ ।
ब्लुमबर्गका अनुसार सन् २०२२ को पहिलो उत्पादन आइफोन ‘एसई’ मार्च महिनामा सार्वजनिक हुने तयारी भइरहेको बताइएको छ ।
आइफोन एसईसँगै सोही दिन आइप्याड एयर, नयाँ सिपियू र फाइभजी सपोर्ट गर्ने अन्य डिभाइस पनि सार्वजनिक हुने अनुमान गरिएको छ । उक्त फोनमा कम्पनीको आफ्नै ए१५ बायोनिक एसओसी चिपमा आधारित हुनेछ । यो फोन तीन तथा चार जीबी र्याम भेरियन्टमा उपलब्ध हुनेछ ।
उक्त फोन फाइभजी कनेक्टिभिटी र कम्पनीको आफ्नै चिपसेट ए१५ मा आधारित आइफोन हुनाले यसले करोडौँ एन्ड्रोइड प्रयोगकर्ता विस्थापित गर्ने अनुमान पनि गरिएको छ ।
यसमा १२ मेगापिक्सेलको मुख्य क्यामेरा पनि उपलब्ध हुनेछ । नेपाली बजारमा यो आइफोन करिब ४८ हजार रुपैयाँको हाराहारीमा उपलब्ध हुने अनुमान गरिएको छ ।
