सीजी नेट इन्टरनेट जडान गर्ने नयाँ उपभोक्ताले १५ दिन निःशुल्क परिक्षण गर्न पाउने भएका छन् ।
यस अफर अन्तर्गत नयाँ प्रयोगकर्ताले परीक्षण अवधिको रुपमा १५ दिन इन्टरनेट चलाउँदा कुनै शुल्क तिर्नुपर्ने छैन ।
नेपालमा यस्तो सुविधा दिने आफूहरु पहिलो सेवाप्रदायक कम्पनी भएको सीजी नेटकाे दाबी छ ।
सीजी नेटका प्रमुख कार्यकारी अधिकृत संजय पोखरेलका अनुसार यस अफर अन्तर्गत राउटर, जडान र निक्षेप शुल्कको भुक्तानी नै नगरी उपभोक्ताले यो सुविधा प्रयोग गर्न पाउनेछन् ।
काठमाडाैँ उपत्यकामा मात्र सीमित सीजी नेट नेपालभर सस्ताे मूल्यमा गुणस्तरीय उच्च गतिकाे इन्टरनेट सेवा पुर्याउने लक्ष्यमा छ ।
हाल ९ सय ९९ रुपैयाँ प्रति महिनामा १२० एमबीपीएसको उच्च गतिको इन्टरनेट सेवा प्रदान गरिरहेकाे सीजी नेटले ६ सय ४९ रुपैयाँ प्रति महिनामा पचास एमबीपीएसको सुपर सस्तो प्याकेज जस्ता सुविधा पनि सेवाग्राहीलाई दिइरहेकाे छ ।
