ओखलढुंगामा डोजरले पल्टाएको ढुंगा बोलेरोमाथि खस्दा तीन जनाको मृत्यु भएको छ भने अन्य तीन जना घाइते घाइते भएका छन् ।
जिल्ला प्रहरी कार्यालय ओखलढुंगाका डिएसपी गोविन्द काफ्लेका अनुसार सिद्धीचरण नगरपालिका–३ नारायणस्थानस्थित डोजरले पहाड सम्याउँदा खसेको ढुंगाले गुडिरेहेको बोलेरोलाई किचेको थियो ।
करिब डेढ सय मिटरमाथिबाट झरेको ढुंगा निशंखे भञ्ज्याङबाट सदरमुकाम आउँदै गरेको को १ज ३५६९ नम्बरको बोलेरोमाथि बजारिएको थियो ।
बोलेरोमा ६ सवार रहेकोमा तीन जनाको मृत्यु भएको हो ।
मृत्यु हुनेमा सिद्धीचरण नगरपालिका–१ का युषक कोइराला, युनिषा कोइराला र मानेभञ्ज्याङ गाउँपालिका–१ घर भएका हेम बहादुर मगर छन् ।
दुर्घटनामा परेर तीन जना घाइते भएका छन् ।
घाइते दुईजनालाई उपचारका लागि काठमाडौं पठाइएको र एकजनाको ओखलढुंगास्थित मिसन अस्पतालमा उपचार भइरहेको डिएसपी काफ्लेले बताए ।
