साओमीले रेड्मी नोट ११ सिरिज आउँदो २६ जनवरीमा विश्व बजारमा लञ्च गर्न लागेको छ ।
रेड्मी नोट ११ लाइनअपको तुलनामा केही फरक विशेषतासहित यो सिरिज सार्वजनिक हुन लागेको हो ।
नोट ११ सिरिजको ग्लोबल इडिशनमा क्वालकम स्न्यापड्रागन चिप हुने आशा गरिएको छ ।
सन् २०२१ को अक्टोबरमा रेड्मी नोट ११ फाइभजी, रेड्मी नोट ११ प्रो, रेड्मी नोट ११ प्रो प्लस सार्वजनिक भइसकेका छन् भने नोभेम्बरमा रेड्मी नोट ११ फोरजी भेरियन्ट पनि सार्वजनिक भएको थियो ।
आगामी साता ग्लोबल्ली लञ्च गर्न लागेको साओमीले यसअघि नै भारतमा ‘रेड्मी नोट ११टी फाइभजी’ उपलब्ध गराइसकेको छ भने अब युरोप लगायतका बजारमा नोट ११ सिरिज उपलब्ध हुने चर्चा छ ।
नेपालमा भने रेड्मी नाेट ११ सिरिज कहिले उपलब्ध हुन्छ भन्नेबारे कम्पनीले केही खुलाएकाे छैन ।
