सुनसरीको बर्जु नगरपालिकामा जारी बर्जु महोत्सवमा भनेको कलाकार नआएपछि आक्रोशित स्थानीयले आगजनी गरेका छन् ।
विराटनगरदेखि करिब १४ किलोमिटर पश्चिम पर्ने बर्जु गाउँपालिकामा २४ पुसदेखि बर्जु महोत्सव सञ्चालन भैइरहेको थियो ।
सो महोत्सवमा मङ्गलबार (आज) भोजपुरी सुपर स्टार खेसारीलाल यादव आउने भनी टिकट ५०० र ३०० का दरले काटिएको थियो ।
उक्त महोत्सवमा खेसारिलाल यादव नआएकोपछि आक्रोशित स्थानीयले महाेत्सवकाे स्टेज र सवारी साधनमा आगजनी गरेका हुन् ।
सुनसरी प्रहरीका प्रवक्ता नरेन्द्र कार्कीका अनुसार चार स्कारपियोमा र चारभन्दा बढी मोटरसाइकलमा आगजनी गरिएकाे छ । समयमै दमकल नआएकाले ठुलो धनजनको क्षति भएको स्थानीयले बताए ।
क्षतिकाे यकिन तथ्याङ्क भने अझै आउन नसकेकाे प्रहरीले बताएकाे छ ।
