मानवीय संकट उत्पन्न भएको अफगानिस्तानलाई नेपालले सहयोग सामग्री उपलब्ध गराउने भएको छ ।
गत अगस्टमा तालिबानले सत्ता कब्जा गरेसँगै अन्तर्राष्ट्रिय सहयोग रोकिएकाले अफगानिस्तानमा ठूलो मानवीय संकट उत्पन्न भइरहेको छ ।
सहयोगस्वरुप अफगानिस्तानलाई के–के उपलब्ध गराइन्छ भन्नेबारे जानकारी दिन भोलि (आइतबार) बिहान परराष्ट्र मन्त्रालयमा पत्रकार सम्मलेन गरिने भएको छ ।
परराष्ट्र मन्त्रालयका अनुसार नेपाली टोली काबुल अन्तर्राष्ट्रिय विमानस्थलमा पुगी राष्ट्रसंघीय टोलीलाई साम्रगी हस्तान्तरण गरेर फर्कनेछ ।
अफगानिस्तानका दुई करोड बढी जनसंख्याले भोकमरीको समस्या भोग्नुपर्ने र बाल मृत्यु दर अत्यधिक बढ्ने चेतावनी संयुक्त राष्ट्र संघको विश्व खाद्य कार्यक्रम (डब्लूएफपी) ले चेतावनी दिइसकेको छ ।
