नेपाल कम्युनिस्ट पार्टी (एमाले)का नेता तथा पूर्वस्वास्थ्यमन्त्री भानुभक्त ढकाललाई कोरोना सङ्क्रमण भएको छ ।
शुक्रबार गरिएको कोरोना परीक्षणको रिपोर्ट पोजिटिभ आएको उनले सामाजिक सञ्जालमार्फत जानकारी दिएका हुन् ।
‘आज गरिएको परीक्षणबाट मलाई कोरोना पोजिटिभ देखिएको छ। केही दिन घरमा नै आराम गर्नु पर्ने भयो,’ उनले लेखेका छन् ।
उनलाई कोरोना संक्रमण भएको यो दोस्रो पटक हो । यसअघि गत वैशाख १९ गते उनमा कोरोना पुष्टि भएको थियो ।
