भारतमा कोभिडविरुद्धको बुस्टर डोज दिन थालिएको छ ।
देशमा सङ्क्रमण तीव्र रुपमा फैलिरहेका बेला सरकारले अग्रपंक्तिमा खटिएका स्वास्थ्यकर्मी, कामदार र ६० वर्ष माथिका वृद्धवृद्धालगायत प्राथमिकतामा रहेका समूहलाई बुस्टर डाेज दिन सुरु गरेको हो ।
बुस्टर खोपले ओमिक्रोनविरुद्ध थप सुरक्षा प्रदान गर्न सक्ने अन्य देशका प्रारम्भिक अध्ययनहरूले देखाएको छ ।
पहिलो र दोस्रो मात्रामा दिइएको खोप नै बुस्टर डोजको लागि दिइने छ । सरकारले गत सातादेखि १५ देखि १८ वर्ष उमेर समूहका किशोरकिशोरीलाई पनि खोप दिन सुरु गरेको छ ।
भारतमा ९१ प्रतिशतभन्दा बढीले कम्तीमा एक मात्रा र ६६ प्रतिशतले पूर्ण मात्रा खोप लगाएका छन् ।
