इन्डियन आइडल सिजन १२ का विजेता पवनदीप नेपाल आउने भएका छन् ।
काठमाडौँ ठमेलस्थित लर्ड अफ ड्रिक्सं ‘एलओडी’ मा प्रस्तुती दिन पवनदीप माघ १ गते नेपाल आउन लागेका हुन् ।
युवामाझ निकै लोकप्रिय क्लबले नेपाली दर्शक–श्रोतालाई मनोरञ्जन प्रदान गर्ने उद्देश्यले पवनदीपलाई नेपाल ल्याउन लागेको बताएको छ ।
यसअघि नेहा कक्कर, अर्मान मल्लिक लगायतका कलाकारले एलओडीमा प्रस्तुती दिइसकेका छन् । कोभिडका त्रास रहेकाले स्वास्थ्य सुरक्षाका सम्पूर्ण मापदण्ड पालना गर्दै कार्यक्रम आयोजना गरिने आयोजक एलओडीले बताएको छ ।
