अस्पतालमा कोरोना भाइरसबाट सङ्क्रमित युवाहरूमा स्ट्रोकको केस देखिन थालेको छ ।
उच्च रक्तचाप तथा मधुमेहको समस्या भइ कोभिड सङ्क्रमित भएका युवाहरूमा ब्रेन स्ट्रोकको जोखिम उच्च हुने
जर्नल ब्रेन कम्युनिकेशन्समा प्रकाशित अध्ययनले देखाएको छ ।
दुई सय ६७ सङ्क्रमितमा गरिएको अध्ययनमा ५० प्रतिशतमा स्ट्रोक भएको देखिएको थियो । अध्ययनबाट भाइरसको सङ्क्रमणले मस्तिष्कमा क्षति पुर्याउँने पनि देखाएको छ ।
कोरोना भाइरसले एउटै बिरामीको स्नायु प्रणालीको विभिन्न भागहरूमा असर पार्न सक्छ । स्ट्रोक भएका बिरामीको शरीरको धेरै भागहरूमा रगत जम्न थालेपछि धमनीहरूमा अवरोध देखिएको हो ।
कोभिडका बिरामीहरूमा विभिन्न प्रकारका न्यूरोलोजिकल र मनोरोग समस्या देखिएको इङ्गल्यान्डको युनिभर्सिटी अस्पताल साउथ ह्याम्प्टनकी अनुसन्धानकर्ता डाक्टर एमी रस रसेल बताउँछिन् ।
यसबाहेक कोरोनाका बिरामीहरूमा मस्तिष्कसँग सम्बन्धित गुइलाइन-ब्यारे सिन्ड्रोमको समस्या पनि देखिएको छ ।
