अभिनेता प्रभास र पूजा हेगडे अभिनित फिल्म ‘राधे श्याम’ को रिलिज मिति पोष्टपोन्ड भएको छ ।
१४ जनवरीमा रिलिज मिति तय गरिएको फिल्म कोरोना भाइरस सङ्क्रमणको जोखिम बढेसँगै अब सोही समयमा फिल्म रिलिज नहुने जनाइएको हो ।
राधा कृष्ण कुमारको निर्देशन तथा लेखन रहेको फिल्ममा प्रभास र पूजासँगै भाग्य श्री, सचिन खेडेकर, कुनाल रोय कपूरलगायत कलाकारको अभिनय छ ।
सार्वजनिक भएको फिल्मको ट्रेलरमा प्रभास र पूजाबीचको प्रेम, रोमान्स र विछोड देखाइएको छ । फिल्ममा प्रभास लभर ब्वायको भूमिकामा देखिएका छन् ।
फिल्मलाई पाँच भाषामा प्रदर्शन गरिने छ । भारतमा सङ्क्रमण बढेसँगै रिलिज मिति तय गरेका फिल्महरूले धमाधम मिति पोस्टपोन्ड गरिरहेका छन् । केही दिन अघि बलिउड बहुप्रतिक्षित फिल्म ‘आर आर आर’ ले पनि रिलिज मिति सारेको थियो ।
