शिक्षा मन्त्रालयले निर्धारितभन्दा बढी विद्यार्थीबाट शुल्क असुल्ने मेडिकल कलेजलाई कारबाही गर्ने चेतावनी दिएको छ ।मन्त्रालयले बुधबार विज्ञप्ति जारी गरेर कलेज सञ्चालकलाई चेतावनी दिएको हो ।
प्रचलित नियम र कानुनविपरीत कुनै पनि शीर्षकमा शुल्क नलिन पटक पटक आग्रह गर्दा पनि अटेरि गरिरहेको पाइएको मन्त्रालयले जनाएको छ ।
‘दिएको निर्देशनलाई बेवास्ता गरी विद्यार्थीबाट गैर कानुनी रूपमा शुल्क अशुल गरिएमा राष्ट्रिय चिकित्सा ऐन २०७५ बमोजिम कारवाही हुने व्यहोरासमेत यो सूचना प्रेषित गरिएको छ,’ विज्ञप्तिमा भनिएको छ ।
गैरकानुनी रूपमा शुल्क लिएको वा नलिएको बारेमा अनुगमन गरिने पनि मन्त्रालयले जनाएको छ ।
