सप्तरीमा चिसाेले कठ्याङ्ग्रिरएर एक जनाको मृत्यु भएको छ । मृत्यु हुनेमा महादेवा गाउँपालिका–४ का ६५ वर्षीय देवनारायण ठाकुर रहेका छन् ।
उनको शीतलहरका कारण मृत्यु भएको स्थानीयले जानकारी दिएका छन् । ठाकुरको राति सुतेको बेला चिसोले कठ्यांग्रिएर मृत्यु भएको गाउँपालिकाका उपाध्यक्ष ममता कुमारी यादवले बताइन् ।
उनले भनिन् ,’राति खाना खाएर सुतेका ठाकुर बिहान अबेरसम्म ओछ्यानबाट नउठेपछि परिवारका सदस्यले हेर्न कठ्यांग्रिएर मृत्यु भएको पाइएकाे रहेछ ।’
जिल्ला प्रहरी कार्यालयका प्रहरी प्रवक्ता माधवप्रसाद काफ्लेले ठाकुरको मृत्यु चिसो वा अन्य कारणले हाे भनेर जानकारी लिने काम भइरहेकाे बताए ।
