विश्वको जनसङ्ख्या सात अर्ब ८० करोड पुगेको छ ।
अमेरिकी तथ्याङ्क ब्यूरोका अनुसार सन् २०२२को सुरुवातमा विश्वको जनसङ्ख्या सात अर्ब ८० करोड पुगेको हो ।
तथ्याङ्क अनुसार सन् २०२१ को तुलनामा विश्वको जनसङ्ख्यामा शून्य दशमलव ९ प्रतिशत अर्थात सात करोड ४० लाखले वृद्धि भएको छ ।
नयाँ वर्षको सुरुवातमा विश्वभर प्रत्येक सेकेन्डमा चार दशमलव तीनकाे जन्म र दुईको मृत्यु हुने अनुमान गरिएको छ ।
तथ्याङ्क अनुसार चीन अहिले पनि विश्वमै सबैभन्दा धेरै जनसङ्ख्या भएको देश हो । चीनको जनसङ्ख्या एक अर्ब ४० करोड पुगेको छ ।
त्यस्तै, भारतको जनसङ्ख्या एक अर्ब ३८ करोड पुगेको छ । सन् २०२५ वा आगामी तीन वर्षभित्र भारतले चीनलाई उछिन्ने अनुमान गरिएको छ ।
