बलिउड अभिनेता सलमान खानले ‘नो इन्ट्री’ को सिक्वेल निर्माण गर्ने घोषणा गरेका छन् ।
नो इन्ट्रीको दोश्रो संस्करणकाे नाम ‘नो इन्ट्री मे इन्ट्री’ हुने भारतीय मिडियाले जनाएका छन् । फिल्ममा सलमानसहित फर्दिन खान र अनिल कपूरको अभिनय रहने पक्का भएको छ ।
फिल्मा यी तीनको ट्रिपल रोल हुने जनाइएको छ । जसकारण फिल्ममा नौ जना अभिनेता रहने छन् । सलमान, फर्दिन र अनिलबाहेक फिल्मका अन्य कलाकारबारे भने केही जानकारी गराइएको छैन ।
अनीश बझ्मिले फिल्मको स्क्रिप्ट लेखनको काम सकाइसकेका छन् । २००५ मा रिलिज भएको फिल्म नो इन्ट्रीलाई दर्शकले अत्यधिक रुचाएका थिए ।
नो इन्ट्री मे इन्ट्री बाहेक सलमान हाल टाइगर ३, कभी इद कभी दिवाली, बजरङ्गी भाइजान २ र पठानमा व्यस्त छन् ।
