दक्षिण कोरियामा जन्मदरमा निरन्तर कमी आएकाे छ ।
कोरियाली तथ्याङ्क कार्यालयकाे अक्टोबरसम्मको तथ्याङ्कअनुसार देशमा नवजात शिशुहरूको सङ्ख्या २० हजार सात सय ३६ रहेको छ । यो एक वर्ष अगाडिको तथ्याङ्कभन्दा पाँच दशमलव दुई प्रतिशतले कम हो ।
सन् १९८१ मा तथ्याङ्क सङ्कलन गर्न थालिएपछि यो रिपोर्ट अहिलेसम्मकै सबैभन्दा कम हो । सन् २०१५ को डिसेम्बरदेखि लगातार ७१ महिनासम्म नवजात शिशुको सङ्ख्यामा कमी आएको छ ।
यस वर्षको पहिलो १० महिनामा दुई लाख २४ हजार दुई १६ शिशुहरूको जन्म भएको थियो । र यो गत वर्षको सोही अवधिको तुलनामा तीन दशमलव ६ प्रतिशतले कम रहेको कोरियाली तथ्याङ्क कार्यालयका निर्देशक किम सु-योङले जनाएका छन् ।
याेङका अनुसार मुख्यतया बच्चा जन्माउने उमेर समूह वा तीस वर्षका महिलाको जनसङ्ख्या घट्दै गएको, सन् २०१२ देखि विवाह दर पनि घट्दै गएको र कोभिड-१९ का कारण यो दर घट्ने प्रवृत्ति झनै बढ्दै गएको हो ।
