काठमाडौं । साफ यू–२० च्याम्पियनसिप अन्तर्गत नेपालले आज आफ्नो दोस्रो खेलमा श्रीलंका सँग प्रतिस्पर्धा गर्दैछ।
समूह ‘ए’ मा रहेका नेपाल र श्रीलंकाबीचको खेल नेसनल फुटबल स्टेडियम मा हुनेछ। खेल नेपाली समय अनुसार अपराह्न साढे ४ बजे सुरु हुनेछ।
पहिलो खेलमा जित हात पारेका दुवै टोली लगातार दोस्रो जित निकाल्दै सेमिफाइनल सम्भावना बलियो बनाउने लक्ष्यमा छन्। नेपालले उद्घाटन खेलमा भुटान लाई २–१ ले पराजित गर्दै विजयी सुरुवात गरेको थियो भने श्रीलंकाले घरेलु टोली माल्दिभ्स लाई ३–२ ले हराएको थियो।
श्रीलंकाले पहिलो हाफमा दुई गोलले पछि परे पनि दोस्रो हाफमा उत्कृष्ट कमब्याक गर्दै तीन गोल फर्काएर जित निकालेको थियो।
आजै राति सवा ९ बजे भुटान र माल्दिभ्सबीच पनि खेल हुँदैछ, जहाँ दुवै टोली पहिलो जितको खोजीमा रहनेछन्।
दक्षिण एसियाका सात राष्ट्रको सहभागिता रहेको प्रतियोगितामा टोलीहरू दुई समूहमा विभाजन गरिएको छ। प्रत्येक समूहबाट शीर्ष दुई टोली सेमिफाइनलमा प्रवेश गर्नेछन्।
समूह ‘बी’ मा बंगलादेशले पाकिस्तान लाई २–० ले हराउँदै विजयी सुरुवात गरेको छ भने साविक विजेता भारत पनि सोही समूहमा रहेको छ।
