विराटनगर । फिफा विश्वकप फुटबलको क्वार्टरफाइनलमा फ्रान्स र मोरक्को आमनेसामने हुँदैछन्। नेपाली समयअनुसार आज राति १ :४५ बजे हुने यो बहुप्रतीक्षित खेलमा सबैको नजर २०२२ विश्वकपको सेमिफाइनलको पुनरावृत्तितर्फ केन्द्रित रहनेछ।
सन् २०२२ को विश्वकप सेमिफाइनलमा फ्रान्ससँग २–० ले पराजित हुँदै मोरक्कोको ऐतिहासिक यात्रा रोकिएको थियो।
यसपटक भने मोरक्को त्यही हारको बदला लिने लक्ष्यसहित मैदान उत्रँदै छ।यता फ्रान्स लगातार अर्को सेमिफाइनल यात्रा सुरक्षित गर्दै उपाधितर्फको अभियानलाई थप बलियो बनाउने योजनामा छ।
स्टार खेलाडीहरूले भरिएको फ्रान्स अनुभवका आधारमा बलियो देखिए पनि मोरक्को पछिल्ला वर्षहरूमा विश्व फुटबलको उदाउँदो टोलीको रूपमा स्थापित हुँदै आएको छ।
फ्रान्स र मोरक्कोबीच अहिलेसम्म भएको कुल ६ खेलमध्ये तीन खेलमा मोरक्को पराजित भएको थियो भने त्यसैगरी तीन खेल भने बराबरीमा टुंगीएको थियो ।
अहिले सम्म फ्रान्ससँग पराजित हुँदै आएको मोरक्कोले के अब यसपटकको इतिहास बदल्दै २०२२ को हारको बदला लिन सफल होला त वा फेरि फ्रान्सकै दबदबा कायम रहनेछरु यसको उत्तर भने मैदानमै तय हुनेछ।
