काठमाडौँ– बालेन्द्र शाहलाई मिखाइल मिशुस्टिनले बधाई ज्ञापन गरेका छन्। बुधबार पठाइएको सन्देशमार्फत रूसी प्रधानमन्त्रीले रूसको सङ्घीय सरकार तथा व्यक्तिगत रूपमा बधाई व्यक्त गरेका हुन्।
सन्देशमा उनले प्रधानमन्त्री शाहको नेतृत्वमा नेपाल–रूस सम्बन्ध मित्रता, आपसी सम्मान र पारस्परिक हितको आधारमा अझ सुदृढ हुने विश्वास व्यक्त गरेका छन्। सरकारी तहमा हुने सहकार्यले व्यापार, आर्थिक, लगानी, सांस्कृतिक तथा मानवीय क्षेत्रमा सहयोग विस्तार गर्न मद्दत पुग्ने उल्लेख गरिएको छ।
नेपालस्थित रूसी राजदूतावासका अनुसार मिशुस्टिनले दुवै देशबीचको सहकार्य दीर्घकालीन हितअनुकूल हुने विश्वास व्यक्त गर्दै प्रधानमन्त्री शाहको सुस्वास्थ्य, सुख, समृद्धि र कार्यकाल सफलताको कामना समेत गरेका छन्।
