काठमाडौं – प्रधानमन्त्री बालेन्द्र शाहले सबै प्रदेशका सांसदहरूसँग चरणबद्ध छलफल सुरु गरेका छन्। सोही क्रममा सोमबार कर्णाली प्रदेशका सांसदहरूसँग पहिलो चरणको बैठक सम्पन्न भएको छ।
प्रधानमन्त्री शाहले प्रत्येक प्रदेशका सांसदहरूसँग छुट्टाछुट्टै बैठक गर्ने योजना बनाएका छन्। कर्णालीपछि अन्य प्रदेशका सांसदहरूसँग पनि क्रमशः छलफल गर्ने तयारी रहेको उनको सचिवालयले जनाएको छ।
छलफलमा प्रदेशहरूको समग्र अवस्था, विकास प्रगति र देखिएका चुनौतीबारे समीक्षा गरिनेछ। साथै, केन्द्र र प्रदेशबीच समन्वयलाई प्रभावकारी बनाउने विषयमा समेत विचार आदानप्रदान हुने अपेक्षा गरिएको छ।
सांसदहरूसँगको छलफलपछि प्रधानमन्त्री शाहले प्रदेशका मुख्यमन्त्री, प्रदेश प्रमुख तथा सचिवहरूसँग पनि अलग–अलग बैठक गर्ने तयारी गरेका छन्।
