विराटनगर । कोशी प्रदेशका मन्त्री र नेकपा एमालेका नेताहरूले पूर्वराष्ट्रपति विद्यादेवी भण्डारीलाई विराटनर विमानस्थलमा लाम लागेर स्वागत गरेका छन् ।
पूर्वराष्ट्रपति भण्डारीसोमबार विराटनगर विमानस्थलमा उत्रिँदा कोशी प्रदेशकी राज्यमन्त्री सिर्जना राई स्वागतका लागि ‘बूके’ बोकेर पुगेकी छन् । यस्तै एमाले नेता विनोद ढकाल पनि विमानस्थलमा पुगे ।
भण्डारीको स्वागतका लागि एमाले मोरङ जिल्ला सचिव सोमराज थापा पनि विमानस्थल पुगे । एमाले जिल्ला अध्यक्ष अजम्बर राई भने स्वागतमा देखिएनन् । भण्डारीलाई स्वागत गर्न पुग्ने सय हाराहारीमा अधिकांश एमाले कार्यकर्ता देखिन्थे ।
एमालेको साउन ५–६ मा बसेको नवौँ केन्द्रीय कमिटी बैठकले भण्डारीलाई पार्टीमा आउन निषेध गरेको थियो । उनको सदस्यतासमेत खारेज गरेर अध्यक्ष केपी शर्मा ओलीले पार्टीका कुनै पनि गतिविधिमा सहभागी हुन नदिन कडा निर्देशन नै दिएका थिए ।
