अस्ट्रेलियाको मेलबर्न स्टासविरुद्ध नेपालका ओपनर आशिफ शेखले अर्धशतक बनाएका छन् । अस्ट्रेलियामा जारी टप इन्ड टी–२० सिरिजको तेस्रो खेलमा नेपालले बेलबर्नसँग प्रतिस्पर्धा गरिरहेको छ ।
टस जितेर सुरुमा ब्याटिङ गरेको मेलबर्नले दिएको १७६ रनको लक्ष्य पछ्याउनेक्रममा आशिफले ४८ बलमा ५३ रन बनाउँदै अर्धशक पूरा गरेका हुन् । नेपालले १५ ओभरको समाप्तिमा तीन विकेटको क्षतिमा १२० रन बनाएको छ ।
कुशल मल्ल र आशिफ क्रिजमा छन् । यसअघि नेपालका अर्का ओपनर कुशल भुर्तेल १३ बलमा २५ रन बनाएर आउट हुँदा भीम सार्की दुई बल खेल्दै एक रन बनाएर एलबिडब्लु धरापमा परे । कप्तान रोहित पौडेलले ३१ बलमा ३३ रन बनाए ।
यसअघि दुई खेल हारेको नेपालमाथि आज जित्नै पर्ने दबाब छ ।
