भारतले इङ्गल्यान्डसँगको पाँचौँ टेस्टमा कम ब्याक गरेको छ । पहिलो पारीमा २२ रनले पछि परेको भारतले दोस्रो पारीमा ७५ रन जोडेर दुई विकेट गुमाएको छ । यसशस्वी जयसवाल ५१ तथा नाइटवाच म्यानको रूपमा आएका आकाश दीप चार रनमा अविजित छन् । भारतले लोकेश राहुललाई सात तथा साइ सुदर्शनलाई ११ रनमा गुमाएको हो ।
यसअघि २२४ रनमा सीमित भारतले इङ्गल्यान्डलाई पनि २४७ रनमा सीमित गरेको हो । ज्याक क्रली र बेज डकेटले पहिलो विकेटका लागि ९२ रनको साझेदारी गरेपछि इङ्लिस टोली बलियो देखिएको थियो । क्रलीले ६४ तथा डकेटले ४३ रन जोडे । हेरी ब्रुकले ५३ रनको योगदान गरे । भारतलाई खेलमा फर्काउने क्रममा प्रसिद्ध कृष्ण र मोहम्मद सिराजले बराबर चारचार विकेट लिए ।
