नेपाली कांग्रेसको बागमती प्रदेश संसदीय दलको नेताका लागि मुख्यमन्त्री बहादुरसिंह लामा र प्रदेशसभा सदस्य इन्द्रबहादुर बानियाँले उम्मेदवारी दर्ता गराएका छन् ।
मंगलबारमात्रै संसदीय दलमा विशवास गुमाए पनि फेरि नेता पदका लागि मुख्यमन्त्री लामाले उम्मेदवारी दर्ता गराएका हुन् । त्यसअघि बानियाँले दलको नेताका लागि उम्मेदवारी दर्ता गराएका थिए ।
बागमती प्रदेशमा कांग्रेसका ३७ सांसदहरू छन् । जसमध्ये मंगलबार २२ सांसदहरू मुख्यमन्त्री लामाको विपक्षमा उभिएका थिए ।
दलको दलको नेता चयनका लागि दिउँसो २ बजेदेखि ३ बजेसम्म मतदान हुने निर्वाचन समितिले जनाएको छ ।
