खोटाङको दिक्तेल रुपाकोट मझुवागढीका मेयर तीर्थराज भट्टराई काठमाडौँको माइतीघरमा अनिश्चित आमरण अनसन बस्ने भएका छन् । भोलि बिहान ९ बजेदेखि भट्टराई आमरण अनसनमा बस्ने भएका हुन् ।
बाँदर लगायत अन्य वन्यजन्तुबाट खाद्यान्न उत्पादनमा पुगेको क्षति, विश्वव्यापी जलवायु परिवर्तन, पर्यावरणीय सङ्कट तथा बाँस र गाँजा लगायतका वनस्पतिको बिल्डिङ कोड र नम्स तयार गर्दै स्थानीय स्रोत साधनको समुचित उपयोगसँग सम्बन्धित सात बुँदै माग सहित मेयर भट्टराईले असार ९ गते बसेको नगर सभाको नीति तथा कार्यक्रमबाट सत्याग्रह घोषणा गरेका थिए । उल्लेखित माग राख्दै मेयर भट्टराईले साउन १३ (सम्म) काठमाडौँको माइतीघरमा शान्तिपूर्ण सत्याग्रह बसेका थिए । तर, सरकारले सत्याग्रहका माग सम्बोधन गर्न औपचारिक रूपमा कुनै चासो र पहल नगरेकाले अनिश्चितकालीन आमरण अनसन घोषणा गरेका पालिकाका कार्यवाहक नगरप्रमुख विसन राईले जानकारी दिएका छन् ।
