महानगरका सहायक प्रवक्ता ध्रव काफ्लेले मानन्धरलाई सूचना प्रविधि समिति संयोजकको जिम्मेवारीबाट हटाइएको तर, प्रवक्ता यथावत रहेको बताए । ‘
उहाँ (मानन्धर) महानगरको प्रवक्तामा यथावत हो’, काफ्लेले भने, ‘सूचना प्रविधि समितिमा वीरेन्द्र प्रजापती आउनु भएको छ ।’
बालेनले सुशासन समितिमा ख्यामराज तिवारीलाई हटाएर दलबहादुर कार्कीलाई जिम्मेवारी दिएका छन् । सम्पदा तथा पर्यटन समितिबाट आशामान संगतलाई हटाएर विनोद कुमार राजभण्डारीलाई ल्याएका छन् ।
त्यस्तै, विधायन समिति संयोजकबाट मचाराजा महर्जनलाई हटाएर रोजिना श्रेष्ठलाई दिएका छन् ।
‘काठमाडौँ महानगरपालिका, नगर कार्यपालिका (कार्य सम्पादन) नियमावली २०७४ को नियम १५ बमोजिम गठन भएको समितिका संयोजकको जिम्मेवारी फिर्ता गरेर उपनियम (१) बमोजिम नयाँ संयोजक तोकिएको छ’, महानगरले पत्रमा भनेको छ ।
बोलेनका प्रेस संयोजक सुरेनद्र बजगाईंका अनुसार ३ वर्ष पुगेकाले जिम्मेवारी फेरिएको हो । ‘तीन वर्षसम्म उहाँहरूको काम हेरियो’, बजगाईंले भने, ‘नयाँलाई पनि मौका दिन जिम्मेवारी फेरिएको हो ।’
