एजेन्सी । इङ्ग्लिस क्लब म्यानचेस्टर युनाइटेडका खेलाडी सवार बसमाथि बोतल प्रहार भएको छ ।
प्रिमियर लिगअन्तर्गत आइतबार राति युनाइटेडले लिभरपुलसँग उसैको घरमा प्रतिस्पर्धा गरेको थियो, जुन खेल गोलरहित बराबरीमा रोकिएको थियो ।
खेलअघि एनफिल्ड जाने क्रममा म्यानचेस्टर युनाइटेडको टिम बसमाथि बोतल प्रहार भएको थियो ।
सामाजिक सञ्जालमा पोष्ट गरिएको एउटा भिडियोमा एक समर्थकको हातमा गिलासको बोतल समातेको देखाइएको छ, त्यसपछि प्रशिक्षकको झ्यालमा प्रहार हुनु अघि ‘गो’ भन्ने शब्द कराइरहेको देखिन्छ ।
लिभरपुलले बोतल प्रहार भएको घटनाप्रति ‘घोर निन्दा’ गरेको बताएको छ ।
क्लबले एक विज्ञप्ति जारी गर्दै भनेको छ, ‘कोही पनि समर्थकले यस्तो हर्कत गरेको दोषी पाइएमा गम्भीर परिणामको सामना गर्नुपर्नेछ।’
‘एनफिल्डमा आइपुग्दा म्यानचेस्टर युनाइटेड टोलीको बसलाई क्षति पुर्याएको कार्यको लिभरपुल फुटबल क्लब घोर निन्दा गर्दछ,’ विज्ञप्तिमा भनिएको छ।
लिभरपुल समर्थकले विपक्षी टोलीको बसलाई प्रहार गरेको यो पहिलो घटना होइन ।
सन् २०१८ मा म्यानचेस्टर सिटीको बसमा च्याम्पियन्स लिगको क्वार्टरफाइनल अघि एनफिल्डमा आक्रमण भएको थियो ।
