ओमानमा सम्पन्न चारदेशीय टी–ट्वान्टी सिरिजअन्तर्गत अन्तिम खेलमा नेपाल टेस्ट राष्ट्र आयरल्यान्डसँग पराजित भएको छ ।
सोमबार भएको खेलमा नेपाल आयरल्यान्डसँग १६ रनले पराजित भएको हो ।
अल अमेरात क्रिकेट मैदानमा आयरल्यान्डले दिएको एक सय २८ रनको लक्ष्य पछ्याएको नेपालले २० ओभरमा ९ विकेट गुमाएर १ सय ११ रनमात्र बनाउन सक्यो ।
नेपालका लागि दिपेन्द्रसिंह ऐरीले सर्वाधिक २८ रन बनाए ।
आशिफ शेख २३ रनमा आउट हुँदा कुशल भुर्तेल १५ रन जोडेर पेभेलिएन फर्किए । लोकेश बम ६ तथा ज्ञानेन्द्र मल्ल ५ रनमा आउट हुँदा शरद भेषवाकर १ रनमा आउट भए ।
कमल ऐरी १३, कुशल मल्ल ९ रनमा आउट भए । कप्तान सन्दीप लामिछाने १ रनमा आउट भए ।
आयरल्याण्डका सिमि सिंह, एन्डी म्याकब्राइन, मार्क एडिर र बेरी मकार्थीले २/२ विकेट लिए ।
यस अघि टस हारेर पहिले ब्याटिङ गरेको आयरल्याण्डले २० ओभरमा अलआउद हुदै १ सय २७ रन बनाएको थियो ।
आयरल्याण्डका लागि जर्ज डोकरेलले सर्वाधिक २८ रन जोड्दा कर्टिस क्याम्फरले २०रन बनाए ।
यस्तै कप्तान एन्डी विलवार्नीले १९, लोर्कन टकरले १५, शेन गेटकाटेले १४, एन्डी म्याकब्राइनले ११ रन, ग्यारेथ डिलानीले ९, पल स्टर्लिङले २ र सिमी सिंहले १ रन जोडे ।
नेपालका लागि दिपेन्द्र सिंह ऐरीले सर्वाधिक ४ विकेट हात पारे । दिपेन्द्रले चार ओभर बलिङ गर्दै २१ रन मात्र खर्चिएका थिए ।
अविनाश बोहराले दुई विकेट लिए । सन्दीप लामिछाने, कमल सिंह ऐरी र जितेन्द्र मुखियाले १/१ विकेट लिए ।
