कप्तान बेन्जेमाको गोलमा रियल मड्रिडले बार्सिलोनाविरुद्ध दोस्रो हाफमा पुनः अग्रता लिएको छ ।
स्पेनिस सुपर कपअन्तर्गतको पहिलो सेमिफाइनलमा एकअर्काविरुद्ध उत्रिएका बार्सिलोना र रियलको पहिलो हाफ १–१ गोलको बराबरीमा सकिएको थियो ।
दोस्रो हाफ सुरू भएपछि ६९औं मिनेटमा गोल गर्नबाट चुकेका बेन्जेमाले ७३औं मिनेटमा आकर्षक गोल गर्दै टोलीलाई पुनः अग्रता दिलाएका हुन् । मेन्डीको पासमा प्रयास गरेपनि गोलरक्षक स्टेगनले पन्च गर्दै बल फर्काइदिएका थिए तर रिबन्डमा आएको सोही बलमा कार्भाजलले मिलाइदिएको पासमा बेन्जेमा ट्याप–इन गर्दै सुन्दर गोल गर्न सफल भए ।
आजको खेलको विजेता उपाधिका लागि एट्लेटिको मड्रिड र एथ्लेटिक क्लबबीचको खेलको विजेतासँग प्रतिष्पर्धा गर्नुपर्नेछ ।
