ब्राजिलका अट्याकिङ मिडफिल्डर ओस्कार युरोपियन क्लब फर्किने चर्चा चलिरहेको छ । पाँच वर्षअघि चेल्सीबाट चीनको साङ्घाई एसआइपिजी पुगेका पुनः युरोपियन क्लब फर्किने चर्चा चलेको हो ।
केही समयपहिले चेल्सीका पूर्वस्टार ओस्कार पुनः युरोपियन क्लब फर्किने मनसाय व्यक्त गरेपछि उनीसँग विभिन्न क्लबहरूको नाम जोडिएको छ । हालैमा स्पेनिस क्लब बार्सिलोनासँग पनि उनी जोडिएका छन् ।
नयाँ खेलाडी भित्र्याउन धमाधम रहेको बार्सिलोनाले ओस्कार ल्याउनेबारे सोचेको अन्तर्राष्ट्रिय मिडिया रिपोर्टले जनाएका छन् । बार्सिलोनाका प्रशिक्षक जाभी हर्नान्डेजले आगामी प्राथमिकतामा उनलाई राखेको विभिन्न रिपोर्टहरूको दाबी छ ।
ओस्कार अहिले विश्व फुटबलमा सर्वाधिक धेरै कमाइ गर्ने खेलाडी हुन् । सन् २०१७ मा चेल्सीबाट ६० मिलियन युरोमा उनी चाइनिज सुपर लिग क्लबमा पुगेका हुन् । उनलाई साङ्घाईले विशाल पाारिश्रमिकको अफर गरेको थियो ।
चिनियाँ क्लब साङ्घाईसँग उनको सम्झौता सन् २०२४ सम्म छ । ३० वर्षीय ओस्कारले चीनमा सुपर लिग र सुपर कप जितिसकेका छन् ।
त्यसअघि चेल्सीमा रहँदा उनले दुई पटक प्रिमियर लिगको उपाधि जितेका थिए । उनले ब्राजिलका लागि पनि ३० खेल खेलेका छन्, जसमा उनले १२ गोल गरेका छन् ।
