सामाजिक सञ्जाल फेसबुकमा एक भिडियो शेयर गर्दै शक्ति गौचनले रुपन्देही क्रिकेट सङ्घमा आफ्नो उम्मेदवारी रहेको घोषणा गरेका छन् ।
नेपाली राष्ट्रिय क्रिकेट टोलीका सफल खेलाडी गौचनले आउँदो माघ ५ गते हुन लागेको जिल्लाको निर्वाचनमा आफ्नो दाबेदारी हुने सार्वजनिक गरेका हुन् ।
‘क्रिकेट खेल र खेलाडीको निमित्त, क्रिकेट खेलको विकासको निम्ति नयाँ सोच र योजनासहित रुपन्देही जिल्लालाई नेपालको उत्कृष्ट जिल्ला बनाउने उद्देश्य लिएर मैले अध्यक्षमा उम्मेदवारी दिएको हुँ’ सार्वजनिक भएको भिडियोमा गौचनले भनेका छन्, ‘त्यसैले यस अभियानलाई सफल पार्न क्रिकेटसँग सम्बन्धीत व्यक्तित्व, पदाधिकारीहरुबाट सहयोग र शुभेच्छाको अपेक्षा राखेको छु ।’
सन् २००१ बाट नेपालको प्रतिनिधित्व गर्न थालेका गौचनले सन् २०१८ मा नेदरल्यान्ड्समा सम्पन्न पहिलो ऐतिहासिक ओडिआई खेलसँगै नेपाली क्रिकेटबाट सन्यास लिएका थिए ।
सन्यासपछि भैरहवामा स्टार क्रिकेट एकेडेमी सञ्चालन गर्दै आएका गौचन नेपाली क्रिकेटमा नयाँ युवा खेलाडी उत्पादन र छनोटमा व्यस्त रहेका छन् ।
