स्टामफोर्ड ब्रिजमा सकिएको पहिलो हाफ घरेलु टाेली चेल्सी र लिभरपुलले २–२ गाेलकाे राेमाञ्चक बराबरी खेलेका छन् ।
लिभरपुलकाे सुरूवाती २ गाेलकाे अग्रता उल्ट्याउदै चेल्सी बराबरी गर्न सफल भएकाे हाे । लिभरपुललाई अग्रता दिलाउन साडिओ मानेले खेलको नवौं र मोहम्मद सलाहले २६औं मिनेटमा गोल गरे ।
चेल्सीका डिफेन्डर चलोबाले गरेको गल्तीको फाइदा उठाउदै मानेले खाली पोस्टमा सुन्दर गोल गरेका थिए । लिभरपुलका जोटाको बललाई हेड गर्दै क्लियर गर्ने क्रममा असफल भएपछि मानेले गोल गर्ने अवसर पाएका थिए ।
त्यसपछि केही आक्रमक देखिएको चेल्सीले लिभरपुलको पोस्टमा केही प्रयास गरे पनि सफल हुन सकेन ।
चेल्सी असफल रहँदा लिभरपुल भने आफ्नो अग्रता बनाउन दोब्बर बनाउन सफल भयो । अर्नाल्डको पासलाई कट ब्याक गर्दै सलाहले आकर्षक गोल गरेका थिए ।
त्यसपछि खेलमा लगातार फर्कन प्रयासरत चेल्सी खेलको ४२औं मिनेटमा पहिलाे गोल फर्काउन सफल भयो । चेल्सीका लागि माटियो कोभासिकले सुरूवाती गोल गरे ।
अलोन्सोले प्रहार गरेको फ्रिकिक लिभरपुलका गोलरक्षक केलिहरले पन्च गरेपछि आएको रिबन्डमा कोभासिकले गोल गर्दै खेलमा फर्कने सङ्केत गरेका थिए ।
पहिलो गोल गरेपछि निकै हौसिएको चेल्सीले पहिलो हाफको इन्ज्युरी समयको पहिलो मिनेटमा नै बराबरी गोल फर्काउन सफल भयो । डिफेन्डर रूडिगरले मिडफिल्डमा जितेको बलबाट सुरु भएको मुभलाई कान्टेले सुन्दर क्रस निकाल्दै सहज बनाइदिएका थिए ।
कान्टेको क्रसमा क्रिश्चियन पुलिसिकले आकर्षक गोल गर्दै पहिलो हाफमा अग्रता लिने लिभरपुलको चाहनालाई छताछुल्ला बनाइदिएका थिए ।
