नेपाल कम्युनिस्ट पार्टी (एकीकृत समाजवादी) की सचिव तथा सहरी विकास मन्त्री रामकुमार झाँक्रीलाई पिर्के सलामी दिइएको छ । उनलालाई उनको गृहजिल्लामा प्रहरीले ‘पिर्के सलामी’ दिएका हुन् ।
आइतबार उनले गुल्मीको मदाने गाउँपालिकास्थित इलाका प्रहरी कार्यालय पुर्कोट दहलमा प्रहरीबाट ‘पिर्के सलामी’ खाएकी हुन् ।
पिर्के सलामी खाएपछि सामाजिक सञ्जालमा उनको व्यापक आलोचना हुन थालेको छ । विगतमा त्यही सलामीको विरोध राजनीतिमा पृथक सोच भएकी नेतृको रूपमा कहलिएकी उनी आफैँ पिर्के सलामीको मोहमा लागेपछि उनको आलोचना भएको हो ।
पिर्कामा भए पनि उभिएर सलामी लिएका दृश्य सार्वजनिक भएपछि जनप्रतिनिधिको सलामी मोहलाई ‘पिर्के सलामी’ संज्ञा दिन थालिएको थियो।
यसअघि गण्डकी प्रदेशका तत्कालिन मुख्यमन्त्री पृथ्वीसुब्बा गुरुङ, कर्णाली प्रदेशका तत्कालिन मुख्यमन्त्री महेन्द्रबहादुर शाही, नेपाली काङ्ग्रेसका नेता अर्जुननरसिंह केसी, प्रचण्ड पुत्री रेणु दाहालमात्र होइन, विभिन्न मन्त्रीदेखि नगर प्रमुखसम्मले सलामी लिएका थिए ।
