विराटनगर । भारतको राजधानी नयाँ दिल्लीमा कक्रोच जनता पार्टी (सिजेपी) ले मतदाता नामावलीमा अनियमितता भएको आरोप लगाउँदै आन्दोलन चर्काउने घोषणा गरेको छ।
पार्टीले सत्तारुढ भारतीय जनता पार्टीलाई चुनावमा जिताउन मतदाता नामावलीमा हेरफेर गरिएको आरोप लगाउँदै मुख्य निर्वाचन आयुक्त ज्ञानेश कुमारको राजीनामा माग गरेको हो।
सिजेपीले शनिबार दिल्लीको जन्तरमन्तरमा विरोध प्रदर्शन गर्ने घोषणा गरेपछि राजधानीको सुरक्षा व्यवस्था कडा पारिएको छ।
पार्टीका अध्यक्ष अभिजित दिपकेले प्रदर्शनको घोषणा गरेसँगै दिल्लीमा २० हजारभन्दा बढी प्रहरी तथा अर्धसैनिक बल परिचालन गरिएको बताइएको छ।
एक वरिष्ठ प्रहरी अधिकारीका अनुसार प्रदर्शनका लागि अनुमति दिइएको छैन भने निषेधात्मक आदेशसमेत लागू गरिएको छ।सिजेपीले देशभर आफ्ना १० हजार सदस्यलाई हिरासतमा राखिएको दाबी गरेको छ।
