चिसोले मजदुरलाई ‘पेटपालो’मा समस्या

शब्द एक्स्प्रेस संवाददाता
बिहिबार ४ माघ, २०८०
१ महिनाअघि

विराटनगर । मोरङ विराटनगर महानगरपालिका–१९ ऋषिदेव टोलका चन्द्र ऋषिदेव चिसोका कारण जनमजदुरी गर्न जान सकेका छैनन् ।

बाक्लो शीतलहरले गर्दा काममा जान नसक्दा उनलाई आफ्नो परिवारको साँझ–बिहानको गर्जो टार्न हम्मे–हम्मे भइरहेको छ ।

‘जसोतसो अ‍ैंचो–पैंचोले म र मेरोको परिवारको पेटपालो त भइरहेको छ तर, यसरी धेरै दिन टिक्नेवाला छैन,’ उनी भन्छन्, ‘जाडोले म काममा जान पाएको छैन, छोरा–छोरी स्कुल जान सकेका छैनन् ।’

चिसोले ज्यालादारी काम गर्ने बढी मारमा परेका छन् ।

चिसोले गर्दा काममा जान नपाउँदा परिवारको साँझ–बिहानको गर्जो टार्न सकस भएको जनमजदुरी गर्दै आएकाहरूको गुनासो छ ।

‘चिसोले गर्दा साइकल कुदाएर काममा जान सकिँदैन, हिँडेर जान सम्भव छैन,’ सोही स्थानका मनोज ऋषिदेव भन्छन्, ‘यस्तो बेलामा हामीहरूलाई स्थानीय सरकारले सहयोग गरिदिए त हुने हो !’

ऋषिदेव टोलमा मात्र होइन चिसो ह्वात्तै बढेपछि मोरङका रंगेली, सुनवर्षी, रतुवामाई, पथरीशनिश्चरे, उर्लाबारी, बेलबारी, सुन्दरहरैंचालगायत क्षेत्रमा जनजीवन प्रभावित बनेको छ ।

बाक्लो हुस्सुसँगै बढेको चिसोले गर्दा बजार तथा सहरी क्षेत्रमा चहलपहल घटेको छ भने स्थानीयलाई घरबाहिर निस्किन पनि सकस परिरहेको छ ।

उनीहरू आगोको सहायतामा शरीरलाई न्यानोपन दिइरहेका छन् ।

जनमजदुरी गर्नेबाहेक, विद्यार्थी, बालबालिका, गरिब असहाय र ज्येष्ठ नागरिक चिसोबाट बढी प्रभावित छन् ।

विद्यार्थी चिसोकै कारण विद्यालय जानबाट बञ्चित भएका छन् भने कतिपय विद्यालयले जाडोका कारण बिदा नै दिएका छन् ।

विराटनगरआसपासका क्षेत्रमा अहिले बिहान–बेलुका र रातको समयमा चिसो छ ।

दिउँसो भने पारिलो घाम लाग्ने गरेको छ । बिहान बाक्लो हुस्सु लागेर कठ्यांग्रिँदो चिसो हुन थालेपछि सर्वसाधारणको जनजीवन प्रभावित बन्न थालेको हो ।

चिसोकै कारण रुघाखोकी, दम, निमोनिया, ज्वरो, कोल्ड डायरियालगायतका बिरामीको संख्यामा पनि वृद्धि भएको छ ।

स्वास्थ्यकर्मीले चिसोबाट जोगिन सजकता अपनाउन सुझाव दिएका छन् ।

चिसोबाट विशेषगरी बालबालिकाको स्वास्थ्यमा समस्या आइरहेका कारण आफ्ना बालबालिकालाई जोगाउन बाल तथा बाल क्यान्सर रोग विशेषज्ञ डा. सुभास मेहताको सुझाव छ ।

‘मौसम परिवर्तन हुने समयमा बालबालिका र ज्येष्ठ नागरिक स्वास्थ्य समस्याको उच्च जोखिममा रहन्छन्,’ उनी भन्छन्, ‘वृद्ध–वृद्धाले घरभित्रै बसेर जाडो छल्ने भए पनि बालबालिका खेल्न वा विद्यालय जान बाहिर निस्कन्छन् । यसैले पनि अभिभावकले जाडोमा बालबालिकाको विशेष हेरचाह गर्न जरुरी छ ।’

आफ्ना स्वास्थ्य समस्या खुलेर भन्न नसक्ने भएकाले पनि चिसो मौसममा अरूको तुलनामा बालबालिका उच्च जोखिममा रहन्छन् ।

चिसो मौसमलाई लापरबाही गर्दा बालबालिकामा रुघाखोकी, दम, निमोनियाँजस्ता रोग लाग्ने गरेका छन् ।

बालबालिकालाई चिसो हुनबाट जोगाउन विशेषगरी हात–खुट्टा र टाउकोलाई राम्रोसँग छोप्नुपर्ने डा. मेहताको सुझाव छ ।

यी भाग नांगो छोड्नाले अधिक चिसो हुन गई बालबालिका बिरामी पर्छन् भने उनीहरूले लगउने भित्री कपडाहरू पसिनाले भिजेर लामो समयसम्म शरीरमै रहँदा पनि चिसो गढेर विभिन्न स्वास्थ्य समस्या देखा पर्ने उनको भनाइ छ ।

प्रकाशित समय: बिहिबार ४ माघ, २०८०, १०:०१:०१

सम्बन्धित खबर

जब १४ महिला स्वास्थ्य स्वयमसेविकालाई मुख्यमन्त्री आफैंले लगाइदिए जुत्ता

सोमबार ७ फाल्गुण, २०८०
२ दिनअघि

पूर्वशिक्षकलाई सम्मान गर्दै नमुना विद्या मन्दिरले मनायो अभिभावक दिवस

आईतबार ६ फाल्गुण, २०८०
२ दिनअघि

अन्तर–स्कुल क्रिकेट : आदर्श र न्यु मुन स्कुलको विजयी सुरुआत

शनिवार ५ फाल्गुण, २०८०
३ दिनअघि

जनयुद्ध दिवसको अवसरमा डिग्री क्याम्पसमा वृक्षारोपण

मङ्गलबार १ फाल्गुण, २०८०
१ हप्ताअघि

ठगी मुद्दाका खत्रीको आरोप : प्रहरीले कुटपिट गर्दै सुनको सिक्री थुते

आईतबार २८ माघ, २०८०
१ हप्ताअघि

कारागारलाई सिकाइ केन्द्रका रूपमा लिनुपर्छ : मुख्यमन्त्री कार्की

आईतबार २८ माघ, २०८०
१ हप्ताअघि
नेपाल र सिरिया
सिरियामाथि नेपालको सहज जित
मङ्गलबार ८ फाल्गुण, २०८०
कप्तान सन्दीप र बसिरको अर्धशतकमा क्यानडाविरुद्ध नेपाल ‘ए’को रोमाञ्चक जित
मङ्गलबार ८ फाल्गुण, २०८०
मनकामना र नेपाल गुरुकुल स्कुल क्वार्टरफाइनलमा
मङ्गलबार ८ फाल्गुण, २०८०
‘डम्पिङ साइट’ हटाएर फुटसल, विराटनगरका शुभाशीषले गरे झन्डै डेढ करोड लगानी !
मङ्गलबार ८ फाल्गुण, २०८०
नेपालले भारतमा त्रिकोणात्मक सिरिज खेल्ने
मङ्गलबार ८ फाल्गुण, २०८०
केएल दुगड उद्योगले तौल घटाएर चामल र चिउरा बिक्री गर्दै
मङ्गलबार ८ फाल्गुण, २०८०
ग्रामथानमा खेलकुद : दौडमा सञ्जु र सुबिना प्रथम बन्दा, हाजिरी जवाफमा सरस्वती मावि पहिलो
सोमबार ७ फाल्गुण, २०८०
पर्यटकीय क्षेत्र सन्दकपुरमा रेडपाण्डा पार्क सञ्चालन गर्ने मन्त्री उप्रेतीको प्रतिबद्धता
सोमबार ७ फाल्गुण, २०८०
प्रेस स्वतन्त्रता सेनानीसहित क्रियाशील पत्रकारहरू सम्मानित 
सोमबार ७ फाल्गुण, २०८०
यस्तो बन्यो दयाहाङ र आँचल अभिनित ‘डिग्री माइला’को टिजर (भिडिओसहित)
सोमबार ७ फाल्गुण, २०८०
अस्पताल बसेरै बित्यो डाक्टरको कारागारको समय !
शुक्रबार ५ माघ, २०८०
कानेपोखरी : अनुमतिबिना ढोका खोलेको भन्दै अध्यक्षले गरिन् कार्यालय सहयोगीलाई निलम्बन
बुधबार १७ माघ, २०८०
मोटरसाइकल दुर्घटनामा कर्मचारीको मृत्यु, विराटनगरमा बिहीबार बिदा
बुधबार २४ माघ, २०८०
स्वास्थ्य मन्त्रालयले माग्यो करारमा कर्मचारी
बुधबार २४ माघ, २०८०
चार सय करोडको लगानीमा विराट क्यान्सर इन्स्टिच्युट सञ्चालनमा
आईतबार २१ माघ, २०८०
विराटनगरका दुई युवती, जो लागुऔषधसहित समातिए
मङ्गलबार १६ माघ, २०८०
इटहरीमा हात्तीले मोटरसाइकल लछारपछार पार्दा एक जना घाइते
बिहिबार १८ माघ, २०८०
भोजपुरका किसानले फलाए रङबिरङ काउली
आईतबार १४ माघ, २०८०
कानेपोखरीमा दुई भयानक दुर्घटना : एक जनाको मृत्यु, आमा-छोरा घाइते
आईतबार २१ माघ, २०८०
एक लाख धरौटीमा रिहा भए डा. तपेश्वरलाल कर्ण
बिहिबार ४ माघ, २०८०