महिलाको तुलनामा पुरुषमा हृदयाघातको जोखिम बढी हुने अध्ययनले देखाएको छ ।
अमेरिकन हार्ट एसोसिएसनले महिलाको तुलनामा पुरुषमा हृदयाघातको उच्च जोखिम रहेको दाबी गरेको हो ।
पुरुषहरूमा हृदयघातको जोखिम उमेरको निश्चित चरणमा महिलाको तुलनामा झन्डै दोब्बर बढी हुने जामा इन्टरनल मेडिसिनमा २०१६ मा प्रकाशित नर्वेको ट्रोम्स अध्ययनमा उल्लेख गरिएको छ ।
हृदयघातको जोखिमका बारेमा बुझ्नका लागि ३४ हजार पुरुष र महिलाहरूको विश्लेडण गरिएको थियो । साथै सन् १९७९ देखि २०१२ हृदयघातको अनुभव गरेका करिब २८ सय व्यक्तिमा पनि अध्ययन गरिएको थियो ।
कोलेस्ट्रोल लेभल, उच्च रक्तचाप, मधुमेह, मोटपना र शारिरीक सक्रियता लगायतका हृदयघातका जोखिम कारकको बारेमा हेर्दा पनि यसले लिङ्गको आधारामा हृदयघातको जोखिम बढ्छ भनेर जानकारी दिन सकेन ।
जोन हप्किन्स सिकारोन सेन्टर फर प्रिभेन्सन अफ हार्ट डिजिजका क्लिनिकल रिसर्च निर्देशक माइकल जोसेफ ब्लाहाले पुरुषलाई महिलाको तुलनामा १० वर्षपहिले हृदयघात हुन सक्ने बताएका छन् ।
४५ वर्षको उमेरमा पुरुषमा हृदयाघातको जोखिम बढ्ने विज्ञहरू बताउँछन् । तर महिलामा भने ५५ वर्षपछि मात्र हृदयघातको जोखिम बढी हुने सम्भावना हुन्छ ।
महिलाहरू मेनोपज हुनुअघि एथेरोस्क्लेरोसिसका कारण हृदयघातबाट बढी सुरक्षित हुन्छन् भने मेनोपजपछि पनि पुरुषको तुलनामा महिलामा हृदयघातको जोखिम कम हुन्छ । मेनोपजपछि महिलाहरूमा एस्ट्रोजेन हर्मोनको स्तर घट्न थाल्छ ।
प्रि-मेनोपजल एस्ट्रोजन लेभलले महिलाहरूलाई हृदयघातबाट बचाउँछ । यही कारण पुरुषले जस्तै ४५ वर्षको उमेरमा पनि महिलामा हृदयघातको जोखिम हुँदैन ।
अमेरिकन हार्ट एसोसिएसनका अनुसार हृदयघातका कारण समय अगावै मृत्यु हुने मानिसको सङ्ख्या तीव्र गतिमा बढिरहेको छ । युएस सेन्टर फर डिजिज कन्ट्रोल एन्ड प्रिभेन्सन (सिडिसी) का अनुसार मुटु रोगका कारण हरेक वर्ष सबैभन्दा बढी मृत्यु हुने गरेको पाइन्छ ।
