स्पेनिस टेनिस स्टार राफायल नाडालले अस्ट्रेलियन ओपन टेनिसको पुरुष एकलतर्फको उपाधि जितेका छन् ।
मेलबर्नमा आइतबार भएको फाइनलमा रसियन खेलाडी डानिल मेदभेदेबलाई हराउँदै नाडालले उपाधि जितेका हुन् ।
फाइनल खेलको पहिलो सेट ६–२ र दोस्रो सेट ७–६ ले गुमाएका नाडालले उत्कृष्ट पुनरागमन गरेर बाँकी तीन सेट लगातार जिते ।
योसँगै ३५ वर्षका स्पेनिस खेलाडी नाडालले कीर्तिमानी २१औँ ग्रान्डस्लाम पनि जितेका छन् ।
उनी स्विट्जरल्यान्डका रोजर फेडेरर र सर्बियाका नोभाक जोकोभिचलाई पछि पार्दै कीर्तिमानी २१औँ ग्रान्डस्लाम जित्न सफल भएका हुन् ।
रोजर र नोभाकले समान २०औँ पटक ग्रान्डस्लाम उपाधि जितेका छन् ।
नाडालको यो दोस्रो अस्ट्रेलियन ओपनको उपाधि हो ।
नाडालले फ्रेन्च ओपन १३ पटक, विम्वल्डन दुई पटक तथा युएस ओपन चार पटक जितेका छन् ।
युएस ओपन च्याम्पियन मेदभेदेब दाेस्राे उपाधि जित्न चाहन्थे तर त्याे सफल भएन ।
सुरुवाती खेलमा निकै उत्कृष्ट प्रदर्शन गरेका २५ वर्षीय उनले पछिसम्म त्यसलाई निरन्तरता दिन सकेनन् ।
