कतिपय मानिसले दूध राखेको चियाले ग्यास्ट्रिक (ग्यासट्राइटिस) गराउने भन्दै कालो चिया वा ब्ल्याक कफी पिउने गर्छन् ।
कोही भने कफी पनि पिउन डराउँछन् । तर, दूध नहालेको ब्ल्याक कफी पिउनु ग्यास्ट्रिक र अपचको समस्या भएका बिरामीको लागि कत्तिको हानिकारक छ ?
अध्ययनका रिपोर्टले ग्यास्ट्रिकका बिरामीले जति धेरै कफी वा चियाको सेवन गर्यो उति नै यसको समस्या बढ्दै जाने देखाएको छ ।
विभिन्न अध्ययनहरूले कफीमा हुने क्याफिन नामक तत्वले हाम्रो आमाशयमा एसिडको सेक्रेसनलाई बढाउने काम गरेको देखाएको कन्सल्टेन्स सर्जन डा. रविन्द्र तामाङ्ग बताउँछन् ।
उनका अनुसार कफीको सेवनले आमाशयमा उत्पादन भएको एसिड मुख तिर आउने प्रक्रिया (जसलाई रिफलक्स पनि भनिन्छ) लाई पनि बढाएको पाइएको छ ।
जसकारण ग्यास्ट्राइटिसको समस्या भएका बेला कफीको सेवन गर्न निल्ने उनको भनाइ छ । यसबाहेक दूध हालेको चिया होस् वा नहालेको होस् यसले आमाशयमा एडिसको उत्पादनलाई बढएको अध्ययनले देखाएको छ ।
यसरी एडिसको मात्रा बढेपछि ग्यास्ट्रिको समस्या देखापर्नुका साथै ती समस्याहरू बढेर जाने उनले बताए । दूधमा भएको फ्याट र क्याजिन नामक प्रोटिनको कारणले गर्दा एसिडको मात्रा बढ्ने गर्छ ।
त्यस्तै आमाशय वा आन्द्रामा अल्सरको समस्या भएका दूधको सेवनले सो समस्या निको हुने प्रक्रियालाई ढिलो गर्ने गरेको पाइएको उनको भनाइ छ ।
एक अध्ययनले दूधले बयर जतिकै मात्रामा एसिड उत्पादन गर्ने देखाएको छ । तसर्थ दूध पिउनुका धेरै फाइदा भएपनि ग्यास्ट्रिको वा अल्सरको समस्या भएका मानिसले दूधको सेवन नगरेको उचित हुने डा. रविन्द्रको सुझाव छ ।
